Go To School

Esok aku start masuk 'sokolah'..sokolah orang tuo tuo....hahahhaha.

Bleh ko nak study balik ni?...ntah la cubo yo la..kono porah balik palo hotak yang dah lamo bekarat ni..kono la gogok air Yasin bobanyak bagi torang hati...hahahaha.

lopeh ni maso untuk aku botambah terhad..tak leh la nak rambu sana rambu sini lagik..tak do la can nak bermalas malasan lagi hari sabtu ahad..

Memang bilo 'sokolah' balik taim dah bokojo ni,kono lak dah tuo tuo ni banyak pengorbanan yang porlu di lakukan..mano nak fikir psal blaja..nak pikir pasal koluargo lagi..pikir pasal kojo lagi..arrrrggghh..pendek kato sumo nak dipikir la...tapi kok nak pikir payah yo..sampai bilo heh tak!

Orang lain leh buek ..why not me!..yeeesssh!!!.motivasi tu..


.

Aku ABEM

Tak pasti lak aku ni lahir taim bilo..arwah omak ponah cakap tapi taim tu aku amik tak pot yo..nak rujuk surat beranak ntah mano ghaib heh..

Atas aku ado ompek orang abang dan duo oarang kakak..adik aku lahir ompek tahun lopeh aku..( potong stim tul la adik aku ni,kalu tak, ngaso aku jadi anak bongsu)..dan adik ni jugak la penyebab mengapo aku di panggil ABEM...apo pun aku suko namo panggilan tu..unik!..hehehe

Hidup taim tu memang susah..omak ngan abah kojo motong gotah ..mungkin aku tak meraso bonar taim susah tu tapi abang dan kakak aku memang ghaso bobonar..bilo diorang rewind balik cerito lelamo...fuhh syahdu!!..bisa leles air mato jantan aku ni.Tapi aku menghaso gak la pakai suar koyak betampa tampa ngan kain perca...huk huk!!!.

Arwah omak ponah corito, aku maso kokocik memang baik dan faham masalah orang...gamai orang suko...hehhehe ( kombang hidung taim tu woo)..ponah skali taim tu aku masih monyusu botol lagi ( susu DUMEX)..kato omak,hari tu omak bising bising kat angah suh poi kobun kupek sekerap pasal nak boli susu aku,Angah lak badan tak berapo sihat,bilo omak dah bising bising tu poi jugak la Angah aku ni ko kobun sambil morungut rungut kayuh basikal..on the way nak balik dari kobun tu Angah disorang segorombolan lobah..toruk gak angah kono sorang lobah tu,sib baik ado India sobolah gumah aku tu lalu dan jumpo Angah..pengsan, bodan dah biru..habih bongkak bongkak satu bodan...duit gotah tu lak ngam ngam dapek boli susu aku..tapi kato omak,aku langsung tak nak minum susu tu dan torus boghonti minum susu..omak cakap " Man ni cam tau tau yo koluargo heh susah"..memang aku tak lamo minum susu..bih kurang sotahun yo.

Sampai hari ni aku tak lupo corito tu..Kosian Angah..memang Angah ngan Kaklong banyak berkorban dan bosusah payah untuk kitorang adik beradik.

Aku mombosa dalam suasano kampung Felda..meghaso gak la hidup tanpo letrik, pakai lampu gasolin sumbu cap butterfly..tak do TV,masak pakai dapur kayu..uiih ingat lagik tu..nostalgia tu beb!.

Aku dah masuk Tadika baru ghaso letrik ni..arwah abah boli TV yang lam rak Kayu tu..hitam putih..tu pun dah cukup handal dah maso tu.

masuk umo 7 tahun aku masuk sokolah..taim tu sokolah tak cam skarang doh..botul botul independent taim tu..maso darjah satu lagi dah poi sokolah jalan kaki..balik sokolah pun cam tu gak..tak do sapo nak ngantar dan jomput..kengkawan lain ado yang naik basikal..tapi aku memang tak ponah ngaso ado basikal sondiri sampai aku habih skolah ( darjah onam).

Blanjo skolah taim tu 20 posen yo,darjah 3 naik 30 posen,darjah 5 up skit jadi 50 posen sampai darjah 6. maso darjah 4 aku dilantik jadi pongawas skolah..waaa banggo ghaso heh,dapek lak pakai neck tai sampai aku darjah 6 dan itulah kali terakhir pakai tai lam hidup aku...a'haks

satu hari tu aku ponah kono boda ngan Abah pakai tali pinggang,punco heh aku mintak duit 20 posen,tapi Abah bagi aku 15 sen yo..pasal tak ado duit kocik lagi...aku pun nangis la,abah lak penat baru balik dari kojo ( taim tu abah kojo Jaga )..nengok aku tak ghonti ghonti nangis apolagi di tambah heh la tangisan aku aku ngan tali pinggang..amik kau..birat..sib baik omak halang kalu tak tau la..Abah memang sorang yang pembengis... ado implikasi atas peritiwo tu..monjak tu aku takut sangat ngan Abah..aku pun makin renggang ngan abah dan jiwo aku makin memberontak,makin dogil.

Maso awal darjah 6 pengaruh michael jackson tongah kuat taim tu..soluar senteng, pakai stukin putih...beat it beat it!!..hahaha..sampai kan soluar sokolah pun kaki heh lipat masuk kodalam bagi senteng..banggo yo kono lak jalan ngan group yang mano sumo heh suar senteng ala ala MJ.

Ponghujung tahun darjah 6 tu aku dapek offer masuk skolah asrama untuk tingkatan 1 berdasarkan koputusan penilaian Darjah 5 yang boleh di katokan okey gak la..gumbira sungguh hati taim tu...bersiul siul balik dari skolah.
tapi.............Omak tak bagi,Omak suh aku masuk skolah agamo kek Asahan...bagai tersentak aku..pueh aku merayu kek Omak tapi omak totap ngan koputusan heh..nak tak nak kono yo la ikutkan.

Skali lagi jiwo aku memberontak...lopeh yo bosunat... maso tu dah pandai lak nak cubo isap rokok..dan rokok pertamo yang aku isap adolah rokok gudang garam line merah yang tak ado filter tu..ingat lagik maso tu kek padang bola..fuiiiyo terrer poit!..habis darjah 6 aku dah isap rokok..pantang ado can yo mesti gi kodai boli rokok pas tu carik port nak 'jamming' asap ngan kengkawan( taim tu rokok 15 sen yo sobatang)...Kegiatan merokok ni berlarutan sampai aku masuk skolah monongah dan hinggo ko hari ni..aku masih lagi perokok tegar.

ngantuk ar..sok sok sambung lai.




.

2009 dah habis,..welkam 2010

Pojam colik pojam colik dah habih stahun..2009 dah berlalu bersamo dongan soribu satu memori..konangan suko dan duko.


Awal 2009 menyaksikan aku mombuat satu tranformasi,dongan tekad dan nekad aku dongan satu azam dan cita cito untuk menjerumuskan diri dalam sektor pertanian..sumo heh terlalu baru bagi aku,momulo raso macam tegapai gapai dan terkial kial nak momulokanya..byak kosilapan yang aku buat..tapi kato orang "tak konal silap tak ghaso la yang botul heh"..alhamdulillah aku masih mengharunginya walaupun kekadang ghaso cam nak putus hongap pun ado.


Pasal kerja dan kerjaya,aku penah ghaso nak putus aso..hilang minat nak keje lagik kat sini,aku ghaso dah demotivated..salah satu sobab apsal aku bukak kobun cili pasal aku memang dah tak ado hati nak kojo kat tempat skarang ni..hati dah tawar taim tu..lotih mlayan 'politik' dan 'kekotoran' ditempat kojo makin menyesakan..
Aku di 'kick' dari kiri kanan,dopan blakang ,ateh bawah...aku di 'drop' kan semaksimanya..fuiiiyooo tak bohongap dibuek heh..bleh mental sioot!!...apo pun buek ado yo yang tak botul..kalu tak buek lagi la..bagi aku taim tu poi kojo pagi punch kad,kul limo balik punch kad,cukup bulan amik gaji..responbility memang aku dah lotak jejauh..lantak la.
Tuhan tu maha adil..Skang ni 'kickers' tu dah pun kono 'kick'..hahaha padan muko!..kahkah.
Alhamdulillah skang ni aku dah bersemangat balik nak kojo,makin sibuk lak!self motivate aku pun dah makin mencanak canak..sampai orang umah pun naik rimas plak siang malam bokojo yo..hehehe..i'm sorry mommy..all i do its for u and our future...and please be with me



Banyak lagi yang berlaku lagi lam tahun 2009 ni,tapi tu sumo rutin dalam kohidupan ni. antaranya yang menarik,boboi berkhatan ..hahaha tak dapek aku nak lupokan detik detik 'cemas' tu..antara hidup dan mati tu...kahakahkah..funny la lu boboi.
tahun ni gak Mommy start bisness on line nya..makin terrer mommy...thanks a lots dear..pasal banyak belanja kitaorang.

Apo pun 2009 dah pun melabuhkan tirai...tak mungkin akan berulang lagi 2009 ni..setiap hari dan detik dalam setiap tahun itu tak akan berulang lagi...jadi pastikan tiap tindakan dan apa yang kita lakukan bukan sesuatu yang memedihkan untuk diingati pada tarikh yang sama pada tahun tahun yang mendatang.

Pado 2010..welkam aku ucapkan..moga hidup ini lebih indah melalui hari hari mu.

Azam?.................ntah!

Skolah dah nak bukak.

Tahun baru 2010 dah nak monjongok..2009 hampir molabuhkan sauh, tinggal 2 hari yo lagi.

anak anak pun dah nak stat skolah balik, adam dah nak naik tahun 5,adeeb plak pra skolah..copek na ghaso heh maso bolalu.

kemarin gi soping ''back to school''..adeeb yang paling demand skali..dari beg,pensil,sharpener sumo heh nak cap BEN10..layan kan yo..tu pun nak mintak kasut yang ado cap BEN10 tu..sib baik kilang kasut tak do buek kasut skolah cap BEN10 ..kok ado la,nampak heh begayo lah adeeb ngan semangat juang BEN10 heh melangkah ko skolah.

Adam plak badan makin naik,sumo baju dan sluar tahun lepas tak leh nak recycle lagi..makin 'mombosa' anak bujang aku ni..adam ni "semangat keperwiraan" heh kurang skit..boli kan apo yo..dia tak kisah..sonang.

.

Khatan@bosunat.

Lamo tak monulih lam blog ni,,sian lak nengok blog ni tak boghusik ghusik..hari ni teghagak lak nak jongok2 blog.

Hari ni dalam sejarah aku menjalankan tanggungjawab aku sobagai bapak..Yo..hari ni aku khatan kan anak sulung aku..Adam.

Nampak dobar heh anak aku sorang ni..tapi dio cubo control lagi tapi bilo masuk yo lam bilik nak bokhatan dah tak leh nak control lagi dah..baru yo doktor tu singkap kain terus menangis melolong..haiyo ai anak aku ..hihihii

Momulo ok yo maso bolum masuk ko bilik tu..tapi bilo masuk dio nampak pisau gunting dan lelain alatan dalam tray surgical tu terus jadi takut..hahahha.

Tapi alhamdulillah sesi bokhatan tu solosai gak walaupun dalam tangisan dan raungan walaupun habis tangan aku digigitnyo apopun ni adolah satu lagi xperience hidup aku dalam mombosarkan anak2

Bosar dah anak aku...dah bleh jadi orang bujang la lopeh ni.

.

Tahun ini punyo Rayo

Alhamdulillah Raya tahun ni aku borpoluang untuk meghayokan eudulfitri dongan bocuti selamo sominggu..

Seronok heh Rayo tahun ni.

1. Dapek cuti duk kek kampung ( tak yah nak pikir pikir pasal kojo na bona...cumo kurang seleso skit pasal dalam Standby mood..kok tak kono caro heh kono yo balik bokojo lek ).

2. Tahun ni aku bopoluang solat rayo ( bukan tak ponah solat rayo sobolum ni doh, jgan salah sangko lak yo..cumo tiap tiap tahun mosojid ponoh..fully book santak sampai an ko topi paga..nak moncolah pun tak leh..gholo dek heh)

3. Tak yah fikir pasal nak bagi duit Rayo ( sobab sumo mummy cayang yang uruskan...seghonok gupo heh tak yah bagi duit gayo ni lapang yo dado...a'haks..suko aku suko aku..hahahaha )

4. Dapek lak jumpo lamo yang dah botahun tak jumpo..best sioot..toimbau corito lamo..golak kotawo kutuk mongutuk itu wajib tu..hehehe..dah memacam goman heh kongkawan aku ni sumo heh dah out of figure..polbagai bontuk yang dah tobontuk.

5. Montuo somolih kambing 2 ekor..muntah makan kambing,..dari kari poi ko sup sampai ko rondang pun tak lain tak bukan daging kambing yang konker..aku yang hantu kambing ni pun leh serrender di buek heh...haha botul botul ho liau hoooo.

6. Duo kali buek buek majlis BBQ..momulo buek kek umah pusako arwah mak ngan abah, giuh ghondah bilo dah bokumpul adik beradik anak2 buah, cucu2 dan bebarapo orang totamu...solang 2 malam lak buek kek umah bolah montuo..ayah montuo ssponsor daging kambing untuk malam tu...kambing lagik?!!

Tapi dalam seghonok seghonok ado yo duko..tapi yang doduko tu maleh la nak tulih..


Apo pun masih lam Mood Hari Rayo.....Selamat Hari Rayo.



.

Salam Aidilfitri

Salam Aidilfitri...Salam Ramadhan
Rosman . aslinda . adamsyaqir . adeebsyahir . adiefsyarir



Kemaafan kami dzahirkan.

Salam semua..Salam Hari Raya







.