Monday, May 11, 2009

Hari Ibu

i. Semalam adalah satu hari untuk Ibu Ibu seluruh dunia ini..saat saat macam ni Den teringat kat Omak.. rindu sangat kat Omak..byk salah dan silap Den pado Omak..Omak bagi Den adolah sorang insan yang cukup tabah dan sabar,melalui tiap detik kepayahan hidup dengan tonang.
Toringat den maso omak bosusah payah mombosar dan monyokolah kan Den..tak dapek gaso heh Den nak Baleh tiap pongorbanan Omak.

Hari ini Omak dah tak ado..dah 11 tahun omak pogi mongadap ilahi,maso tu hidup Den masih lagi kucar kacir..masih tak ado halo tuju hidup lagi,masih lintang pukang..kini sotolah 11 tahun den dah jumpo kohidupan yang sobonar den dah nikmati kojayaan hidup tapi den sodih tak dapek kongsi somuo itu ngan Omak..
Untuk Omak SELAMAT HARI IBU...AL- FATIHAH

ii. SELAMAT HARI IBU untuk ibu anak anak Den..Mummy.Torimo Kasih di atas segalo pengorbanan dan kasih sayang yang di curahkan kepado anak anak.

Pado anak anak Den...hargailah kasih sayang yang Mummy curahkan untuk korang..ingat lah tiap manusio hanyo ado sorang yo ibu dan yang sorang tu tak akan bulih di ganti walau dengan soluruh kokayaan dalam dunio ini.

Pado Adam jangan la memalu nak cium pipi mummy tu..tau yo dah bujang..hihihii.


.

No comments: