Tahun ini punyo Rayo

Alhamdulillah Raya tahun ni aku borpoluang untuk meghayokan eudulfitri dongan bocuti selamo sominggu..

Seronok heh Rayo tahun ni.

1. Dapek cuti duk kek kampung ( tak yah nak pikir pikir pasal kojo na bona...cumo kurang seleso skit pasal dalam Standby mood..kok tak kono caro heh kono yo balik bokojo lek ).

2. Tahun ni aku bopoluang solat rayo ( bukan tak ponah solat rayo sobolum ni doh, jgan salah sangko lak yo..cumo tiap tiap tahun mosojid ponoh..fully book santak sampai an ko topi paga..nak moncolah pun tak leh..gholo dek heh)

3. Tak yah fikir pasal nak bagi duit Rayo ( sobab sumo mummy cayang yang uruskan...seghonok gupo heh tak yah bagi duit gayo ni lapang yo dado...a'haks..suko aku suko aku..hahahaha )

4. Dapek lak jumpo lamo yang dah botahun tak jumpo..best sioot..toimbau corito lamo..golak kotawo kutuk mongutuk itu wajib tu..hehehe..dah memacam goman heh kongkawan aku ni sumo heh dah out of figure..polbagai bontuk yang dah tobontuk.

5. Montuo somolih kambing 2 ekor..muntah makan kambing,..dari kari poi ko sup sampai ko rondang pun tak lain tak bukan daging kambing yang konker..aku yang hantu kambing ni pun leh serrender di buek heh...haha botul botul ho liau hoooo.

6. Duo kali buek buek majlis BBQ..momulo buek kek umah pusako arwah mak ngan abah, giuh ghondah bilo dah bokumpul adik beradik anak2 buah, cucu2 dan bebarapo orang totamu...solang 2 malam lak buek kek umah bolah montuo..ayah montuo ssponsor daging kambing untuk malam tu...kambing lagik?!!

Tapi dalam seghonok seghonok ado yo duko..tapi yang doduko tu maleh la nak tulih..


Apo pun masih lam Mood Hari Rayo.....Selamat Hari Rayo.



.

Salam Aidilfitri

Salam Aidilfitri...Salam Ramadhan
Rosman . aslinda . adamsyaqir . adeebsyahir . adiefsyarir



Kemaafan kami dzahirkan.

Salam semua..Salam Hari Raya







.

Di ambang Ramadhan

Esok atau luso dah nak poso..alhamdulilah dan syukur ko hadrat Ilahi kerano masih momborikan nafas untuk aku menorimo ramadhan tahun ini....insyaallah.


.

Zoo Negara

Pogi Zoo Negara?..apo barang..tak rock la gi zoo..hehe..dodulu kalau sobut nak gi zoo negara cam tu la bih kurang jawapan heh..maso tu tongah Gilo Gilo remajo la konon heh..maso sodang handal morompit dulu.

Apo pun tu dulu..hahaa..skang ni anak dah tigo dah bebosar lak tu..dah pandai demand memasing..pakso yo aku layan anak anak..momasing request nak gi Zoo negara..nak tingok eewan bak kato Adeeb.. iyo lah si kudib ,eewan pun eewan la..i follow..
Jom!

Yo! peace..simbol wajib bilo amik gamba..tak tau aposal.

Naik Trem..Mommy blanjo.h .jobo gaso heh dapek naik Trem ni..kono lak ngadap belakang..paling jobo boboy la..hahahaha.

Mommy pun jobo yo agak heh..tapi mungkin dalam skala yang sodikit la..payah nak di kosan dongan mato kasa..tapi kombang kuncup idung heh tu nampak gak la..kahkah..ya ampuni aku mbak.






My entertainer
budak Kudib ni paling xsaited..bolari sini bolari sanun..jobo gak ni..tapi lam kategori jobo yang tak nampak la..pandai kaber.















Kek sini yo tompek yang buleh amik gambar ngan singo pasal singo2 ni memang dah di tugaskan bergambar ngan guest..kojo heh memang posing cam tu yo..lagipun singo singo pun jobo gak ni dapek begambar ngan anak2 dan wife aku..cumo kontrol macho yo tu.



Bughuk tul gupo heh kan cam boghuk..steady yo boruk boruk ni..kemain posing lagi bilo nak kono amik gamba.










Aku hidup dalam blues..byk byk natang kek sini,sekor ni je yang monarik minat aku..rasonyo dah cukup tuo orang Utan ni..kiro dah taraf nenek la..nak bojalan pun susah ..slow yo..tapi memang cute.


Lotih tu memang lotih..kono lak taim tu badan aku memang kurang sihat skit ..tapi raso berbaloi bilo tengok anak2 enjoy dan dapat learn something kat sini..

dan yang paling best iyolah segalo perbolanjaan outing kali ni di tanggung beres oleh cik mommy..si tokey CD...thanks Mommy


.

Hari Bapa

Selamat hari bapa atau lobih sodap kok di sobut lam bahaso omputih happy father Day..nampak internasioanal heh skit..hahaha.tak tau la sapo yang cipto hari ni tapi ianya adolah hari untuk memperingati semuo bapak bapak kek dalam dunio ni..baguih gak tu,mengingati segala pengorbanan dan kasih sayang seorang bapa.

Bapa den adolah ABAH..abah sorang yang tegas ,bertanggungjawab dan kadangkala garang..tapi kini Abah dah tak do lagi..Abah pergi mengadap ilahi sotolah 8 tahun omak meninggal..banyak konangan den ngan Abah..Untuk Abah..Al Fatihah.

Kini maso terus berlalu den pun dah jadi bapa pado anak anak den,kini baru den tahu bagaimana rasa menjadi seorang bapa..membesarkan anak2,mencari rezeki untuk diaorang ,mendidik serta memberi soponuhnyo kasih sayang den dengan harapan supaya mereka menjadi insan berguna satu hari kelak dan berjaya di dunia dan akhirat...apo pun koporluan anak2 adolah menjadi koutamaan hinggakan kadangkala keperluan sendiri den lotak kotopi dahulu.Untuk anak anak den sanggup korbankan apo sajo.

Tanda ingatan dari anak anak tercinto.
.thanks my sons.. Baba sayang kamu

Terharu den!!!




To my lovely wife,mummy..thanks a lot for the present..i like it..luv u

.

Gambar Sekitar majlis Awards ceremony 2009

Guest of honour
Raja Muda Perak dan Raja Puan Besar Perak

Perarakan masuk
pelajar pelajar yang tamat kursus A-level seramai 219 orang..habih bengkang bengkok Kapet merah den di buek heh..

Raja dan orang orang besar UEM

Keberangkatan Koluar Pasangan Di Raja..
Apo la yang di bisikkan Oleh Tan Sri tu...salary increament kot..muhahahaha

Payung kuning Di Raja
Bes jadik raja ni kan..berpayung..sian Tan Sri tak do sapo nak payungkan..tak po la Tan Sri,tahun lopeh dah raso lalu ateh kapet merah tahun ni lalu la ateh tar lak..bagi can kek Tuanku tu

Makan time!!!...
menu yang paling hampeh tahun ni..tak sodap langsung..ntah apo apo raso..mungkin menu untuk Tuanku Tuanku ni sodap kot..lain dari yang lain agak heh.kok samo yo, makan ikan gulai asam la gamak heh..

Most beautiful woman..
mmmm... mmmuaah..tapi camno pun beautiful lagik wife den

Muko lotih...
fuuh logo dah solosai..pas ni leh balik claim tido

.

Preparations of Awards Ceremony

Dah sominngu lobih den ngadap kojo2 logistik dan teknikal untuk majlis Award Ceremony..walaupun ponek tapi den puas..pasal arrangement yang den buat sumo heh bojalan lancar.malam ni tadi kira last touch up..semuo ok..bos bos pun sonyum yo kira ok la tu.

Stage nak kasi licin dan bokilat

-bodobu satu dewan di buat heh kat mat indon ni.

HITAM PUTIH

Divider pun kasi cat baru..bangla ni pun dah sakit gak heh pinggang ngecat menatang ni.Time cam ni yang best heh mintak apo yo mesti dapat..sumo approved.

Markee Tent

Den suko tompek ni..tompek makan makan.Rajo pun akan makan kek sini..so samo yo la ngan den

RED CARPET

-sepanjang jalan yang akan di lalu oleh rajo kono bontangkan kapet ,kalu majlis ni dalam nogori Perak dah tontu nak kono kapet kuning..maun tak lotih nak cari kapet kuning.

Dari luar ko dalam..

susah yo jadi rajo ni kan..tak bleh lak pijak tanah..tapi den lagi susah pasal nak bontang kapet ni,berat lak tu..tapi yo ko tak leh pijak tanah..samo yo manusio.. kekadang orang kito yang tolobih lobih bonar treat rajo ni..raso too much lak.. untuk dia sorang jer kito kene spend more money..rakyat nak jumpo raja kono lak kuar duit bebanyak..cam no tu.sampaikan span microphone untuk rajo nak berucap pun nak kan warna kuning

lagi satu Malaysia ni gamai nar rajo..England yang punyo bosar tu cumo sorang yo rajo heh.

Siap sedia untuk majlis esok..

harap harap bejalan lancar,jangan la ado trabel..lotih nak menjawab nanti.Ponah sekali maso award ceremony cam ni la,sokoping siling totibo jatuh maso tu ngam ngam montori tongah berucap..hah apolagi bejelo jelo la report den kono buat.

ha..yang ni wajib tiap2 tahun ado ni..Gamelan..sumo barang dan tukang pukul heh di datangkan khas dari UPSI-pado sapo yang paham yo gomar dongar bunyik bondoalah ni,pado yang tak beso akan cakap "momokak" yo.den try gak kotuk kotuk tapi ntah apo bunyik heh..yo ko ni alat musik traditional melayu?pasal barang ni sumo heh import dari luar..kebanyakan dari Thailand,India dan Indonesia.

cam taman bungo lak..tapi cantik gak..hasil usoho pn Shiela and the Gang..(orang nogori yo tu)..banggo den gaso heh...bravo!

Lopeh functions ni nak claim tidur pepuas..hahaha.

.